அன்புக்கொடி

அன்பான அன்புக்கொடி மக்களே அய்யா வைகுண்டர் அருளிய அகிலத்திரட்டின் சிறப்புகளையும் அதன் சில பகுதிகளையும் அர்த்தங்களையும் பற்றி காண்போம்.

                           அகிலத்திரட்டு அம்மானை மற்றும் அருள் நூல் அய்யாவழியின் புனித நூல்கள் ஆகும். இவற்றுள் அகிலத்திரட்டு அம்மானை முதன்மை புனித நூலாகவும், அருள் நூல் இரண்டாம் நிலை புனித நூலாகவும் கருதப்படுகிறது. அய்யாவழி புராணத்தின் அடிப்படையில், உலகம் உண்டானது முதல் தற்போது நடப்பவைகளும், இனி நடக்கப்போவதுமான முக்கால சம்பவங்களை, நாராயணர் லட்சுமி தேவியிடம் கூறுவதை அய்யாவின் சீடர்களுள் ஒருவரான அரி கோபாலன் சீடர் கேட்டு, இங்கே அவைகளுக்கு எழுத்து வடிவம் கொடுப்பதாக அகிலத்திரட்டு அமைந்திருக்கிறது. இது கலியை அழிக்க இறைவன் உலகில் எடுத்த அவதாரத்தை மையப்படுத்துவதாக அமைந்திருக்கிறது.

             அகிலத்திரட்டின் முதற்பகுதியான முந்திய யுகங்களைப்பற்றி கூறும் பகுதி இந்து புராணங்களுடன் நிறைய சம்பவங்களை பகிர்ந்து கொள்கிறது. மேலும் பல கடவுளர்களையும், கோட்பாடுகளையும் பகிர்ந்து கொள்கிறது. ஆனால் பெருவாரியானவைகளை திருத்தியமைத்திருக்கிறது. அய்யாவழியின் யுகங்களும், அவதாரங்களும் எண்ணிக்கையில் இந்து சமயத்திலிருந்து மாறுபடுகிறது. அய்யாவழியில் கலி உருவகப்படுத்தப்படுகிறது.அகிலத்தின் இரண்டாம் பகுதி, கலி யுகத்தில் கலியை அழிக்க இறைவன் அவதரித்த செய்தியை உலகுக்கு கூறுவதாக அமைக்கப்பட்டுள்ளது. ஏகாபரன், வைகுண்டராக அவதரிக்கிறார். வைகுண்ட அவதாரம் மிகவும் பிந்திய காலகட்டத்தில் நிகழ்ந்திருப்பதாததால் அவர் வரலாற்றில் வெகுவாக அறியப்படுகிறார். அவர் நிகழ்த்திய பெரும்பாலான அவதார இகனைகள் வரலாற்றில் இடம்பெறுகின்றன.

  

அரிகோண மாமலை எனும் சிறப்பு மிக்க இடத்தில்தான் நம் சான்றோரின் பிறப்பு நிகழ்கிறது.மேற்கண்ட வரிகள் அம்மலையின்  பெருமைகளை  சொல்ல சொல்ல திகையாது என்பதை உணர்த்துகிறது.  

"அவ்வனத்திலுள்ள அமுர்த கெங்கையானதிலே

மேலுள்ள வரிகள் சான்றோரின் தாய்மாரான சப்த கன்னியரை பற்றி கூறுகின்றது.சப்த மாதர்கள் அரிகோண மாமலையில் உள்ள அமிர்த கெங்கையில் நீர் திரட்டி ஈசனுடைய முடியில் இட்டு சேவிக்கும் பணி  செய்தனர். 

"எழு மடவும் எண்ணெண்ணு மிப்படியே 

இவ்வாறாக விஷ்ணுவானவர் கன்னியரை கேட்க மறுப்பு தெரிவித்த கன்னியர் ஏளனமாய் பேச ,விஷ்ணு பெருகுளிர் காற்றை வீச செய்தார்.அதை தாங்க முடியாத கன்னியர்கள் நெருப்பாய் நின்ற விஷ்ணுவை அணைத்து குளிர்காய தன் கற்பிழந்து ஏழு குழந்தைகளை பெற்றனர்.அவர்களே தெய்வகுல சான்றோர்கள் ஆவர்.இவ்வாறு பிள்ளைகளை ஈன்ற கன்னியர்கள் கற்பிழந்த காரணத்தால் கயிலையை மறந்து வனத்தில் தவமிருக்க சென்றனர்.

பின் வைகுண்டர் தன் தங்கையான வட பத்திரகாளியானவளை வரவழைத்து ஏழு பிள்ளைகளை வளர்க்க சொல்கிறார்.அப்பிள்ளைகளை வைத்து எதிரியான தக்கனை காளி அளிக்கின்றாள்.மேலும் பல தொழில்களையும்  பிள்ளைகளுக்கு கற்று கொடுக்கின்றாள் .