Showing posts with label வைகுண்டரை பற்றி பைபிள் என்ன கூறுகிறது?. Show all posts
Showing posts with label வைகுண்டரை பற்றி பைபிள் என்ன கூறுகிறது?. Show all posts
வைகுண்டரை பற்றி பைபிள் என்ன கூறுகிறது?
Friday, December 31, 2010 | 
Posted by
anbukodi
அன்பான அய்யா வழி பிள்ளைகளுக்கு அன்பான வணக்கங்கள்,அய்யாவின் அருள் எங்கும் நிறைந்து தருமம் மலரட்டும் அய்யா உண்டு! அன்பர்களே இந்த பதிப்பில் அய்யா வைகுண்டரின் வருகைப் பற்றி கிருஸ்தவர்களின் புனித நூலான விவிலியம் என்ன கூறுகிறது என பார்ப்போம்.
நமது அய்யா வழியில்
அனைத்து இறைகளும் ஒன்றுதான் நானே விஷ்ணுவாகவும்,சிவமாகவு
ம்,பிரம்மமாகவும்.இயேசுவாகவும்,அல்லாவாகவும் இருக்கின்றேன் என்ற கருத்தை உணர்த்துகிறார் வைகுண்டர் .அப்படியெனில் கிருஸ்தவர்களின் விவிலியத்தில் அய்யா வைகுண்டரை பற்றி எங்கேயாவது கூறப் பட்டு உள்ளதா எனபார்த்த போது,அய்யா எனக்கு காட்டிய சில வரிகள் அவரின் வார்த்தைகள் உண்மை என்பதை எனக்கு தெளிவாக உணர்த்தியது.
ஆம் அன்பர்களே அவ்வரிகள் நம் அய்யாவின் அவதார வருகையை தெளிவாக உணர்த்துகின்றன,அவைகள் அய்யாவின் குணங்களையும்,அவர் விஞ்சை பெறுவதையும் அவரின் உபதேசங்கள் பற்றியும் கூறுகின்றன.இயேசுவின் இரண்டாம் வரு
கையை நோக்கி காத்திருக்கும் கிருஸ்தவர்கள் ,அவரின் இரண்டாம் வருகையின் போது உலகில் பல அக்கிரமங்கள் ,அநியாயங்கள் நடக்கும் என்கின்றனர்.விவிலியத்தில் இயேசு கிருஸ்துவே தன் இரண்டாம் வருகையை கூறுகின்றார்.
யோவான் அதிகாரம் 16
"நான் உங்களுக்கு உண்மையை சொல்லுகிறேன்;நான் போகிறது உங்களுக்கு பிரயோஜனமாயிருக்கும்;நான் போகாதிருந்தால்,தேற்றரவாளன் உங்களிடத்தில் வரார்;நான் போவேனாகில் அவரை உங்களிடத்து அனுப்புவேன்."
இதில் தான் போகப் போவதாகவும் போனபின் இந்த கலி உலகில் மக்கள் படும் கஷ்டங்களை கண்டு மனம் வருந்தி ,அவர்களை தேற்ற ஒருவர் வரயிருக்கிறார் ,நான் சென்றால் அவரை அனுப்புவேன் என்று கூறுகிறார்.இங்கு கலியில் தாழ்த்தப்பட்ட மக்கள் பட்ட துன்பங்களையும் ,அதனை கண்டு வருந்திய வைகுண்டர் அவர்களின் துயரங்களை கண்டு அவர்களை தேற்றியதை நினைவில் கொள்க.
"அவர் வந்து பாவத்தைக் குறித்தும் ,நீதியைக் குறித்தும்,நியாயத்தீர்ப்பைக் குறித்தும்,உலகத்தைக் கண்டித்து உணர்த்துவார்"
"இன்னும் அநேககாரியங்களைக் நான் உங்களுக்குச் சொல்லவேண்டியதாயிருக்கிறது,அவைகளை நீங்கள் இப்பொழுது தாங்க மாட்டீர்கள்"
இவ்வரிகளில் வரப்போகிறவர் பாவத்தின் தன்மைகளைக் குறித்தும்,அதன் விளைவுகள் குறித்தும்,நீதியைக் குறித்தும் ,வரவிருக்கும் நடுத்தீர்ப்பைக் குறித்தும் உங்களுக்கு கூறுவார்.மேலும் உங்களைளிடம் உள்ள குறைகளை குறித்து கண்டிப்பார் என்கிறது.
மேலும் நான் இன்னும் நிறைய விஷயங்கள் பற்றி கூறவேண்டும் ஆனால் அதை நீங்கள் இப்பொழுது தாங்க மாட்டீர்கள் .எனவே அவைகள் பற்றி வரப்போகிறவர் கூறுவார் என்று கிருஸ்து கூறுகின்றார்.
இங்கு வைகுண்டர் தன் மக்களிடத்து கூறிய உபதேசங்களும்,அறிவுரைகளும்,எச்சரிக்கைகளும் மேற்கூரியதாகவே அமைவதை காணுங்கள்.மேலும் வைகுண்டர் தன் மக்களிடம் மண்டிக் கிடந்த குறைகளையும்,மூடநம்பிக்கைகளையும் குறித்து கண்டித்தார்.வைகுண்டர் தன் சீடர்களிடம் பாவத்தின் தன்மைகளைக் குறித்தும்,அதன் விளைவுகள் குறித்தும்,நீதியைக் குறித்தும் ,வரவிருக்கும் நடுத்தீர்ப்பைக் குறித்தும் கூறினார் என்பது அனைவரும் அறிந்ததே.
"சத்திய ஆவியாகிய அவர் வரும்போது ,சகல சத்தியத்திற்குள்ளும் உங்களை நடத்துவார்;அவர் சுயமாய் பேசாமல்,தான் கேள்விப்பட்டவைகள் யாவையுஞ்சொல்லி,வரப்போகிற காரியங்களை உங்களுக்கு அறிவிப்பார்"
"அவர் என்னுடையதிலிருந்து எடுத்து உங்களுக்கு அறிவிப்பதினால் என்னை மகிமை படுத்துவார்"
"பிதாவினுடயவைகள் யாவும் என்னுடையவைகள்;அதினாலே என்னுடையதில் எடுத்து உங்களுக்கு அறிவிப்பார் என்றேன்"
என்ற வரிகளில் "சத்திய ஆவி " அதாவது சத்திய ஆத்மாவாகிய அவர் (வைகுண்டர்) வந்து சத்திய வழிகளில் உங்களை நடத்துவார். அவர் தன் சொந்த கருத்துக்களை உங்களுக்கு சொல்லாமல் தான் கேள்வி பட்ட விசயங்களை உங்களுக்கு கூறுவார்.இதன் படியே வைகுண்டர் தான் சொந்த கருத்துக்களை கூறாமல் தன் தந்தையாகிய விஷ்ணுவிடம் தான் கேட்ட விஞ்சைகளை பற்றி மக்களிடம் கூறினார். இதைத்தான் விவிலியமும் "அவர் என்னுடையதிலிருந்து எடுத்து உங்களுக்கு அறிவிப்பதினால் என்னை மகிமை படுத்துவார்"
"பிதாவினுடயவைகள் யாவும் என்னுடையவைகள்;அதினாலே என்னுடையதில் எடுத்து உங்களுக்கு அறிவிப்பார் என்றேன்" என்று கூறுகிறது.
மேலும் அகிலமும்
"மீளா சிலுவையிலே முள்ளால் அடிகள்பட்டு
மறித்து பிறந்தது போல் மாயக் குருநாதன்"
என்ற வரியில் வைகுண்டர் கிருஸ்துவின் மறுவருகை என்பதையே குறிக்கிறது.
அப்படியெனில் விவிலியத்தில் கூறப்படும் பிதாவும்,விஷ்ணுவும் ஒருவரா? என்ற கேள்வி எழும்.அய்யாவின் அகிலத்தையும்,பண்டையபுரானங்களையும் ஆராயும் போது இருவரும் ஒருவரே என்பது விளங்கும்.விஷ்ணு,பிதா என்பதெல்லாம் மனிதனால் வைக்கப்பட்ட நாமங்களாகும்.இது பற்றி என்னுடைய அடுத்த பதிப்பில் காண்போம்.
அய்யா உண்டு!
Labels:
Subscribe to:
Posts (Atom)
அய்யா வைகுண்டர்
எங்களுடன் இணையுங்கள்
