அன்புக்கொடி

       அன்பான அன்புகொடி மக்களுக்கு பணிவான வணக்கங்கள். இறைவன் நம்மிடம் எதை வேண்டுகிறான் என்ற தலைப்பின் கீழ் இதற்க்கு முன் சிலவற்றைப் பார்த்தோம்.இங்கு அதன் தொடர்ச்சியாக பொறுமையைப் பற்றிக் காண்போம்.

முந்தைப்  பதிவில் அன்பு பற்றியும் அதன் வலிமைகளைப்  பற்றியும் பார்த்தோம். இந்த பதிவில் உயர்ந்த குணங்களில் ஒன்றான 'பொறுமை' பற்றியும் அதனைப் பற்றி வைகுண்டர் கூறுவன பற்றியும்,அவர் எவ்வாறு அதனை கடைபிடித்தார் என்பது பற்றியும் சிறிது காண்போம். அய்யா உண்டு!

என்ற அகிலத்தின் வரி  பொறுமையின் வலிமையையும் அதனுடைய பலனையும் பற்றி தெளிவாக கூறுவதைக் காணலாம்.ஆம், பொறுமை என்னும் மிகப்பெரிய ஆயுதத்தை உடையவரே இந்த உலகத்தை ஆளப்போகிறார்கள் என்கிறார் அய்யாவைகுண்டர்.பொறுமை என்பது ஆயுதமா?ஆம் ஆயுதம்தான் மிகப்பெரிய ஆயுதம்.இந்த கேடுகட்ட கலியை அழித்து பொன்னான தர்மயுகத்தை உருவாக்கப் போகின்ற ஒரு ஆயுதம்தான் இந்த பொறுமை என்பதை அனைவரும் புரிந்துகொள்ள வேண்டும்.பொறுமையே உலக வரலாறுகளில் பல்வேறு வெற்றிகளைப் பெற்று கொடுத்துள்ளதை அனைவரும் அறிவோம்.அதனையே வைகுண்டரும் தம் மக்களுக்கு போதித்தார்.அதுமட்டுமல்லாது அதனையே கலிக்கு எதிரான ஆயுதமாக பயன்படுத்துகிறார்.

அத்தகைய சிறப்புமிக்க பொறுமையை வைகுண்டர் கலிக்கு எதிராக எவ்வாறு கையாண்டார் என்று காண்போம்.செந்தூர் கடலினுள் தான் பெற்ற விஞ்சைகளின் படி பொறுமையை மிகப்பெரிய முக்கியமான பண்புகளில் ஒன்றாக கடைபிடித்தார்.துளி அளவுகூட பொறுமையை இழக்காத வைகுண்டர் தன் பிள்ளைகளுக்கும் பொறுமையைப் போதித்தார்.

தன்னை பல்வேறு சோதனைகளுக்கு உள்ளாக்கி கொடுமை படுத்திய கலி நீச மன்னனின் சோதனைகளை, தன் பொறுமை என்னும் ஆயுதத்தாலேயே வெற்றி கொண்டார். 

என்ற வரிகள் அய்யா வைகுண்டரின் பொறுமயை தெளிவாக விளக்குகின்றன.

தன் மக்களுக்கு பொறுமையை போதித்த வைகுண்டர்,பொறுமையை கடைபிடிக்கும் மக்களே இந்த உலகத்தை ஆளப்போவதாக கூறுகிறார்.ஆம் பின்வரும் வரிகளை பாருங்கள்,

இந்த வரிகள் கூறுவது என்ன? பின்வரும் தர்மயுகத்தை வைகுண்டர் ஆளப்போகிறார்.அவ்வாறு வைகுண்டர் ஆட்சி செய்யும் போது அந்த யுகம் முழுவதும் பொறுமையை உடைய மக்களே பெரியோர்களாய் வாழ்வார்கள்.என்பதையே இவ்வரிகள் உணர்த்துகின்றன.

அத்தகைய சிறப்புமிக்க தர்மயுகத்தில் தன்னுடைய மக்கள் அனைவரும் வாழ வேண்டும் என்று விரும்பிய வைகுண்டர் தன்னை நம்பிய மக்களுக்கு மட்டுமல்லாது தன்னை நம்பாத பேர்களுக்கும் பொறுமையை போதித்தார்.அதனையே 

என்கிறார்.அத்தகைய பொறுமையை வாழ்நாள் முழுவதும் கடைபிடிக்க வேண்டும் எனவும் வலியுறுத்தினார்.

பொறுமைப் பற்றியும்,அதனைப் பற்றி வைகுண்டர் கூறியவற்றையும் பார்த்தோம்.அத்தகைய சிறப்புமிக்க பொறுமையை நாம் நம் வாழ்நாளில் எந்த  அளவுக்கு கடைபிடிக்கிறோம் என்று சிறிது சிந்தித்து பார்ப்போமா?........................................................என்ன நன்பர்களே அதனை சிந்தித்து பார்க்கும் பொறுமை கூட நம்மிடம் இல்லை என்பது புரிகின்றதா?அப்படியெனில் வைகுண்டரின் பொறுமை எவ்வளவு பெரியது என புரிகிறதா?நாமும் அதனை நம் வாழ்வில் கடைபிடிக்க வேண்டாமா?நிச்சயம் கடைபிடிக்க வேண்டும்.வைகுண்டர் வழி நடப்போம்,பொறுமையை கடைபிடிப்போம்,பெரியோராய் வாழ்ந்திருப்போம்.