அன்புக்கொடி

             அன்பான அன்புகொடி மக்களுக்கு என் அன்பான வணக்கங்கள்.இங்கு நாம் அய்யா வைகுண்டர் இந்த கலியுகத்தில் செய்த பல்வேறு எகனை திருமணங்கள் பற்றியும் அதன் காரண காரியங்கள் பற்றியும் காண்போம்.வைகுண்டர் தன் அவதார வாழ்வின் போது ஏழு கன்னியர்களான மரகதம்,வல்லி,வள்ளி,சலிகை,சரகதகன்னி,சரிதை,அரிமடவை போன்றவரையும் மேலும் பார்வதி,பகவதி,மண்டைக்காட்டாள்,உமையாள்,வள்ளி,தெய்வானை,பூமடந்தை  போன்ற தெய்வ மாதர்களையும் எகனை திருமணம் புரிந்தார்.எகனை என்பதற்க்கு முன்விதிப்படி என்று பொருள்.எனவே வைகுண்டர் புரிந்த திருமணங்கள் யாவும் முன்விதிப்படியே நடந்தவை ஆகும்.

            கலியுகம் தோன்றியதும் தனது கிருஷ்ண அவதாரத்தை முடித்து விட்டு வரும் வேளையில் ஏழு கன்னியரிடம் திருவிளையாடல் புரிந்து சான்றோரை பிறக்க செய்து விட்டு மறைந்தார்.கற்பையிழந்த கன்னியர்கள் தங்களை மணம்புரிய வேண்டி மாயவரை நோக்கி தவம் செய்தனர்.அப்பொழுது திருமால் தோன்றி கலியுகத்தின் முடிவில் உங்களை மணம் புரிவதாக வாக்களித்து விட்டு மறைந்தார்.அதன்படியே கலியுகத்தின் முடிவில் நாரயணர் வைகுண்டராக தோன்றி ஏழு கன்னியர்களையும் எகனை திருமணம் புரிந்தார்.

             ஒவ்வொரு யுகத்தினையும் முடிக்க சிவன் திரு நடனம் ஒன்றை புரிவார்.அவ்வாறு திருனடனம் புரிந்தால் அனைத்து மேலோகத்தாரும் பூமியில் பிறந்து வாழ்வது விதியாகும்.இதனை அகிலம் பின்வருமாறு கூறுகின்றது,

                அதன்படியே பூமியில் பிறக்கும் வைகுண்டர் பல தெய்வ மாதர்களை மானிட கூட்டில் வரவழைத்து அவரவரின் கனவர்களாய் இருந்து எகனை திருமணம் புரிந்தார்.அடுத்ததாக பானாசுரனை அளிக்க பிறந்த சத்தியானவள், கன்னியாக இருந்து பகவதி எனும் பெயரில் சிவனை நோக்கி தவம் புரிந்தாள்.அவளையும் வைகுண்டர் கலியுக முடிவின் போது சிவமாக இருந்து மணம் புரிந்தார்.இவ்வாறாக கலியுகம் முடியும் முன்னரே பல்வேறு தெய்வ சக்திகளை தன்னுள் அடக்கி அனைத்தும் பரம்பொருளில் அடக்கம் என உலக மக்களை அறிய செய்தார்.

அய்யா உண்டு!