உலக தெய்வம்
Friday, September 24, 2010 | 
Posted by
ANBUKODI
இந்த பரந்து விரிந்த உலகத்தில் எத்தனையோ வகையான மக்களும்,மதங்களும்,தெய்வங்களும் உள்ளன.இந்த மதங்கள் மக்கள்,இறைவனை காண உதவும் ஒருவகை ஆடியாக உள்ளன.
மனிதர்கள் தங்கள் கண்களின் தன்மைக்கு ஏற்ப பல வேறுபட்ட கண்ணாடிகளை அணிவதைபோல,தங்கள் அறிவுக்கு எட்டியவாறும் தான் உணர்ந்து கொண்ட அளவிற்கு ஏற்ப்பவும், தங்கள் பழக்கவழக்கத்திற்கு ஏற்ப்பவும் இறைவனை காண்கின்றனர்.
இது மனிதனால் ஏற்பட்ட பிரிவே அன்றி இறைவனில் எந்த ஒரு பிரிவும் இல்லை.இறைவன் மனிதனின் நம்பிக்கைக்கு ஏற்ப திகழ்ந்து, தன்னை உண்மையாக நம்பியவர்களுக்கு அருளும், நற்கதியும் அளிக்கிறார்.
இதையே அய்யா
"நினைக்கின்ற நினைப்புக்கு தக்க இருந்து விளையாடுவேன் நான் சுவாமி"
என்கிறார்.
இதன் பொருள் மனிதன் இறைவனை எப்பொருளினுள் வைத்து பார்கிறானோ அப்பொருளாகவே இறைவன் இருந்து அருளுகிறார் என்பதாகும்.
பல ஆயிரம் ஆண்டுகட்கு முன் இறைவன் இயேசுவாக அப்பகுதில் வாழ்ந்த மக்களின் நம்பிக்கைக்கு ஏற்ப பிறந்து பல அறிவுகளை கூறி அற்புதங்கள் செய்தார். அது போலவே இஸ்லாமியர்களின் நம்பிக்கைக்கு ஏற்ப நபிகளாக தோன்றினர்.
அதே இறைவனே இந்து மக்களின் நம்பிக்கையான சிவன், பிரம்மா,விஷ்ணு ஆகியோரின் கலவையாக அய்யா வைகுண்டர் எனும் நாமத்தோடு அவதரித்து சான்றோரை காத்தார்.
இவைகளின் அடிப்படையில் இறைவன் பல்வேறு நாமங்களை உடையவன் ஆவான்.அவன் தன் பக்தர்களை காக்க பல நேரங்களில் பல வடிவில் தோன்றுகிறான்.அவைகளில் மனிதன் அறிந்து கண்டவை அய்யா,இயேசு,நபிகள் என்றால் அறியதவைகள் இன்னும் ஏராளம் ஆகும்.
இருப்பினும் இறைவனை வழிபடுவதில் ஒருமைப்பாடு வேண்டும் என்பதற்காக வைகுண்டர் வெவ்வேறு தெய்வங்களை வழிபடுவதை நிறுத்தி இறைவனை ஜோதி வடிவில் வழிபட வைத்தார்.
அய்யா உண்டு.
Labels:
உலக தெய்வம்
Subscribe to:
Post Comments (Atom)
அய்யா வைகுண்டர்
எங்களுடன் இணையுங்கள்
1 comments:
மேலும் அகிலத்திரட்டில் வைகுண்டருக்கு சொன்ன உபதேசத்தில்,
"நீபெரிது நான்பெரிது நிச்சயங்கள் பார்ப்போமென்று
வான்பெரிதென்று அறியாமல் மாள்வார் வீண்வேதமுள்ளோர்
ஒருவேதம் தொப்பி உலகமெலாம் போடென்பான்
மற்றோருவேதம் சிலுவை வையமெலாம் போடென்பான்
அத்தறுதிவேதம் அவன் சவுக்கம் போடென்பான்
குற்றம் உரைப்பான் கொடுவேதக்காரன் அவன்
ஒருத்தர்க்கு ஒருத்தர் உனக்கெனக் கென்றேதான்
உறுதி அழிந்து ஒன்றிலும் கைகாணாமல்
குறுகி வழிமுட்டி குறைநோவு கொண்டுடைந்து
மறுகித் தவித்து மாள்வார் வீண்வேதமுள்ளோர்"
என்றும் கூறப்பட்டுள்ளது
Post a Comment